«Կովկաս» Ռեստորան

Նշեք Ձեր միջոցառումները կամ վայելեք Ձեր առօրյան մեր շքեղ ու հարմարավետ ռեստորանային համալիրում։

Մեր Ռեստորանները

«Կովկաս» ռեստորանն իր հյուրերին է առաջարկում տարբեր սրահներ, որոնք կրում են հայկական թագավորությունների անունները: Սրահները առանձնանում են հետաքրքիր ճաշացանկով, ինչպես նաև հաճելի միջավայրով:

Արտաշեսյաններ

ԱՐՏԱՇԵՍՅԱՆՆԵՐԻ ԱՐՔԱՅԱՏՈՀՄ Ի ՄԱՍԻՆ

Արտաշեսյանների թագավորական հարստությունը Հայաստանում կառավարել է մ. թ. ա. 189–ից մինչև մ. թ. 1 դդ.։ Կոչվում է հիմնադիր՝ Արտաշես Ա–ի անունով։ Հարստության ականավոր ներկայացուցիչը եղել է Տիգրան Բ Մեծը, որի ժամանակ Հայաստանը դարձել է աշխարհի ամենահզոր պետությունը։ Տիգրան Մեծի տերությունը տարածվում էր Կասպից ծովից մինչև Միջերկրական ծով, Կովկասյան լեռներից մինչև Միջագետքի անապատները։

330 նստատեղ

Արտաշեսյան սրահը կառուցված է ամֆիթատրոնի տեսքով, և դա պատահական չէ: Արտավազդ Բ թագավորի օրոք (մ. թ. ա. 56-34 թթ.) Հայաստանի հյուսիսային մայրաքաղաք Արտաշատում ստեղծվել էր հելլենիստական ոճի թատրոն։ Սրահը շատ հետաքրքիր է իր ինտերիերով, քանի որ սրահում կառուցված է հետաքրքիր մի ջրվեժ, որն անսովոր հանգստություն է պարգևում, իսկ երեկոյան՝ ուրախ երաժշտության և լույսերի ներքո կարող եք վայելել Ձեր ժամանակը:

ԱՄՐԱԳՐԵԼ

Արշակունիներ

ԱՐՇԱԿՈՒՆԻՆԵՐԻ ԱՐՔԱՅԱՏՈՀՄԻ ՄԱՍԻՆ

550 նստատեղ

Արշակունիների սրահն իր շքեղությամբ և նրբաճաշակ ոճով առանձնանում է մյուս սրահներից, որտեղ, շքեղ ջահերի լուսավորության ներքո, գեղեցիկ սեղանների շուրջ կարող եք տոնել Ձեր ուրախությունը: Այս սրահում հնարավորինս վերստեղծվել է հայոց թագավորական ոճը: Սրահի ձևավորումը հետաքրքիր զուգորդումներ է ստեղծում պատմական Հայաստանում, մասնավորապես՝ Արշակունյաց թագավորության շրջանում տոնական և հարսանեկան արարողությունների հետ:

ԱՄՐԱԳՐԵԼ

Բագրատունիներ

ԲԱԳՐԱՏՈՒՆԻՆԵՐԻ ԱՐՔԱՅԱՏՈՀՄԻ ՄԱՍԻՆ

Հայ Բագրատունիները նախարարական, ապա արքայական տոհմ էին Հայաստանում (IX–XI դդ.): 922 թ-ից կրել են Շահնշահ Հայոց և Վրաց տիտղոսը: Վրաստանում սկզբնավորել են վրաց Բագրատունիների (վրացերեն՝ Բագրատիոնի) արքայատոհմը (IX–XIX դարեր): IX դարից Բագրատունիները դարձել են Հայաստանի ամենաազդեցիկ նախարարական տոհմը և ժառանգաբար կառավարել երկիրը նախ՝ որպես Հայոց իշխան, ապա՝ իշխանաց իշխան և Հայոց թագավոր (885-ից): Բագրատունիների արքայատան և թագավորության (885–1045 թթ.) հիմնադիր արքան Աշոտ Ա Մեծն է: Աշոտ Գ Ողորմածի օրոք սկսվել է Բագրատունյաց Հայաստանի բարգավաճման նոր ժամանակաշրջան: Սակայն Բագրատունյաց թագավորության վերելքն իր գագաթնակետին է հասել Գագիկ Ա-ի օրոք (989–1020 թթ.):

250 նստատեղ

Բագրատունիների սրահը՝ դասական, անչափ գեղեցիկ և լուսավոր, կարծես սպասում է Ձեզ՝ իր նրբաճաշակ դասավորված սեղանների շուրջ: Սրահի ոճը ներդաշնակ է Վերածնության ոգուն և դա պատահական չէ: Հենց Բագրատունիների թագավորության շրջանում էր, որ հայ մշակույթը նոր վերելք ունեցավ և եվրոպացիներից մի քանի դար առաջ աշխարհին տվեց Վերածնության մշակույթի նմուշներ: Սրահի ձևավորման մեջ իրենց ուրույն տեղն ունեն Բագրատունիների մայրաքաղաք Անիի ոճական, ճարտարապետական նրբերանգները:

ԱՄՐԱԳՐԵԼ

երվանդունիներ

ԵՐՎԱՆԴՈՒՆԻՆԵՐԻ ԱՐՔԱՅԱՏՈՀՄԻ ՄԱՍԻՆ

Երվանդունիները հայկական թագավորական և սատրապական տոհմ են. թագավորել են մ. թ. ա. VI–II դարերում: Ստեղծել են առաջին համահայկական պետությունը: Մովսես Խորենացին տեղեկացնում է, որ մ. թ. ա. 7-րդ դարի առաջին կեսին լեռնաշխարհի հարավ-արևմուտքում վերականգնվել էր Հայկազունների տոհմի իշխանությունը` Սկայորդու գլխավորությամբ: Սկայորդու զավակ Պարույրը միավորեց Վանա լճից մինչև Եփրատ ընկած ողջ տարածքը և դաշինք կնքեց Մարաստանի ու Բաբելոնի հետ`ընդդեմ Ասորեստանի: Մ. թ. ա. 612 թվականին դաշնակից զորքերը գրավեցին Ասորեստանի մայրաքաղաք Նինվեն, որին մասնակցելու համար Պարույր Նահապետը Մարաստանի արքայի կողմից թագադրվեց և ճանաչվեց Հայաստանի թագավոր: Տոհմը կոչվում է Երվանդ Սակավակյաց թագավորի անունով:

60 նստատեղ

Երվանդունիների գեղեցիկ սրահը զարդարված է պատմական նկարներով և գեղեցիկ ջահերով, ինչը, ժամանակակից ոճի մեջ լինելով, միևնույն ժամանակ ապահովում է պատմականության յուրօրինակ զգացողություն: Այս սրահը իդեալական վայր է ընկերների կամ բարեկամների հետ փոքրիկ հավաքույթներ կազմակերպելու համար, ինտերիերը ստիպում է կտրվել առօրյա հոգսերից և մի փոքր հանգստանալ այս գեղեցիկ սրահում՝ շրջապատված հրաշալի և հետաքրքիր տեսարանով:

ԱՄՐԱԳՐԵԼ

գինետուն

Այստեղ առավել քան ընդգծված են կովկասյան տարրերը: Այն 19-րդ դարավերջի և 20-րդ դարասկզբի պանդոկ-գինետների ոճով է՝ սկսած աթոռներից ու սեղաններից, վերջացրած՝ սպասքով և տարբեր աքսեսուարներով:

Այստեղ կարելի է ապահովել շատ հանգիստ ընտանեկան միջավայր, իսկ ժամը 19.00-ից հանգիստ զուգակցել բազմաժանր երաժշտության ներքո:

Պանդոկի առաջին հարկում գտնվում է Մառանը, որտեղ կան նաև մինչև 6 հոգու համար նախատեսված առանձին սենյակներ:

ԱՄՐԱԳՐԵԼ

առանձնասենյակներ եվ բացօթյա տաղավարներ

«Կովկաս» համալիրի բաց և փակ առանձնասենյակները շատ արագ կարող են արձագանքել թե՛ եղանակի, թե՛ ձեր տրամադրության և հոգեվիճակի փոփոխությանը: Ամռանը բացօթյա տաղավարներում՝ ջրավազանի մոտ, շատ հաճելի է ճաշել կամ սուրճ խմել մեր թոնիրում պատրաստված համեղ և անուշաբույր գաթայով:

Իսկ ահա փակ առանձնասենյակները կահավորված են այսպես կոչված «մասնագիտությունների» տրամաբանությամբ: Օրինակ՝ «Ձկնորսական» կոչվող առանձնասենյակում ձկնորսությանը բնորոշ ոճ ու պարագաներ են, «Որսորդականում»՝ որսորդությանը բնորոշ: Իսկ առանձնասենյակների մեծ մասում, ընդհանրապես, փորձ է արվել ստանալ 18-19-րդ դարերին բնորոշ կովկասյան քաղաքային միջավայր:

ԱՄՐԱԳՐԵԼ

Կորպորատիվ միջոցառումների համար

+374 98 919 919

ՀԱՐՍԱՆԵԿԱՆ ԱՐԱՐՈՂՈՒԹՅՈՒՆՆԵՐ